Kron by Kronkron - Knitwear
Skoðaðu prjónið frá Kron by KRONKRON — sérstaka línu þar sem hlýja, mýkt og litir koma saman á fallegan hátt. Prjónið er handgert í Perú úr 100% baby alpaca, efni sem er þekkt fyrir mýkt, hlýju og góða tilfinningu við húðina.
Baby alpaca er bæði mjúkt og létt og gefur góða hlýju án þess að vera þungt. Í línunni er leikið með form og liti — allt frá rólegri tónum yfir í meira svipmiklar samsetningar — alltaf með skýra tengingu við heim Kronkron og þá sérstöku nálgun á liti og mynstur sem einkennir merkið.
Þetta eru flíkur sem auðvelt er að stíla á sinn eigin hátt: yfir kjóla, með gallabuxum, við skyrtur eða einar og sér sem aðalatriði í lúkkinu. Hugmyndin er einföld — prjón sem er gott að vera í, lifir með fataskápnum og vinnur sér sess í daglegu lífi.
